Şəmkir rayon 7 illik Uşaq Musiqi Məktəbinin 4-cü sinif şagirdi Mirnofəl Həsənov Azərbaycan Uşaq Fondunun qonağı oldu. O, tara olan sevgisini ifa etdiyi musiqi parçaları ilə göstərdi.
Mirnofəl 4 ildir ki, tar musiqi aləti ilə məşğul olur. Tara olan vurğunluğunu ana babası –
ali təhsilli musiqiçi Rəşid İbrahimov aşılayıb. Babası Rəşid müəllimin şagirdi olan Mirnofəl bir neçə müsabiqlərdə iştirak edib. O, 2021-ci ildə “Zəfər Günü” müsabiqəsinin laureatı, eləcə də, beynəlxalq müsabiqələrdə də laureatı olub. Linkə keçid etməklə Mirnofəlin ifasını dinləyə bilərsiniz:
Hazırda Bülbül adına Orta İxtisas Musiqi Məktəbində ümummilli lider Heydər Əliyevin 100 illik yubileyinə həsr olunmuş IV Respublika musabiqəsində iştirak edir.O, müsabiqənin I turunda ən yüksək balla qiymətləndirilib.
Mirnofəl gələcəkdə Azərbaycan Milli Konservatoriyasının tələbəsi adını qazanmaq, tarın incəliklərini və sirlərini öyrənərək tanınmış tarzən olmaq istəyir.
